کراچی : بارش دے پانی وچ کرنٹ نال 11بندے اللہ نوں پیارے ہو گئے

کراچی( بھلیکھا ٹی وی ) کراچی وچ طوفانی بارش نے تباہی مچا دتی ، پانی وچ کرنٹ آون نال11بندے اللہ نوں پیارے ہو گئے ، جس وچ3بال وی شامل نیں ، محمود آباد ہل ٹاپ نالے وچ تین بال ڈُب گئے ، ہنگامی صورتحال دے باعث صوبے وچ چھٹی کر دتی گئی ۔ قائد اعظم دے شہر وچوں پانی نہیں کڈیا جا سکیا ، ڈیفنس تے کورنگی کراسنگ اجے تک پانی نال بھرے پئے نیں ، طوفانی بارش نے نرسری فرنیچر مارکیٹ وچ 5توں7فٹ تک پانی جمع ہو گیا ، دکاناں وچ پانی وڑ جاون نال قیمتی فرنیچر خراب ہو گیا ۔

50% LikesVS
50% Dislikes

اپنا تبصرہ گھلو