کراچی : شاہراہ فیصل، ڈیفنس تے کورنگی دے علاقے پانی نال بھر گئے

کراچی ( بھلیکھا ٹی وی ) بارش توں بعد کراچی وچ مسئلے ودھ گئے ۔شاہراہ فیصل، ڈیفنس تے کورنگی دے علاقے وی پانی نال بھر گئے ، پانی گھراں اندر وَڑ گیا ۔ شہری پریشان ہو گئے ۔مون سون دی بارش نے کراچی دی شکل ہی وگاڑ دتی، بدل ایسے وسے کہ ہر پاسے پانی ہی پانی ہو گیا ، سڑکاں اُتے کئی کئی فٹ پانی جمع ہوگیا ۔ پچھلے24گھنٹے اندرسب توں ودھ 230ملی میٹر بارش ریکارڈ کیتی گئی، سرجانی ٹائون وچ195، کیماڑی وچ169تے ناظم آباد وچ162ملی میٹر بارش ہوئی ۔

50% LikesVS
50% Dislikes

اپنا تبصرہ گھلو