یونس خان دے خلاف بغاوت مصباح الحق نے کرائی: محمد یوسف

لہور: قومی ٹیم دے سابق کپتان محمد یوسف آکھیا اے 2009وچ کپتان یونس خان دے خلاف بغاوت مصباح الحق نے کرائی۔ اک نجی ٹی وی نوں انٹرویو وچ محمد یوسف نے دسیا کہ ٹی 20ورلڈ کپ 2009وچ یونس خان مصباح الحق نوں ڈانٹنا سی تسیں انتہائی سست بیٹنگ کیوں کیتی؟ جواب وچ مصباح الحق نے آکھیا تسیں وی تے ایس توں پہلے والے میچ وچ سست بیٹنگ کیتی سی۔

محمد یوسف دا کہنا سی یونس خان کھڈاریاں تے سختی کردے سن تے اصرار کردے کہ انج کرنا ضروری اے۔ دورہ سری لنکا وچ یونس خان دے خلاف کھڈاریاں دے گٹھ جوڑ دے دوران قرآن تے حلف لئے جان بارے گل کردیاں محمد یوسف نے آکھیا سی ایہناں کھڈاریاں نوں کمرے وچ مصباح الحق لیائے سن تے شعیب ملک نے حلف لین لئی آکھیا سی۔

اپنا تبصرہ گھلو