لگاتارعمدہ کارکردگی وکھاؤن والی صدف شمس نوں ویمنز ورلڈ کپ وچ نظر انداز

فاطمہ ثنا دی قیادت (کپتانی) وچ پاکستان خواتین کرکٹ ٹیم 12 جون توں 5 جولائی 2026 تک انگلینڈ تے ویلز وچ کھیلے جاݨ والے آئی سی سی ٹی 20 ورلڈ کپ وچ حصہ لوے گی۔

گروپ “ون” وچ پاکستان ٹیم دا مقابلہ روایتی حریف بھارت، جنوبی افریقا، بنگلا دیش، آسٹریلیا تے نیدرلینڈز نال ہونا اے۔

ایس ایونٹ لئی پاکستان دی 15 ممبراں اتے مشتمل ٹیم دے سلیکشن اتے اعتراضات (تحفظات) دا اظہار کیتا جا رہا اے۔ پاکستان خواتین کرکٹ ٹیم دی سب توں سینئر تے سرِ فہرست بیٹر سدرہ امین توں بعد کرکٹ دے حلقیاں وچ صدف شمس نے ٹی 20 میچاں وچ صرف 61 رنز بنائے نیں، پر ون ڈے کرکٹ وچ اوہ لگاتار (مسلسل) بڑی زبردست کارکردگی وکھا رہیاں نیں۔

صدف شمس دی موجودہ فارم نوں ویکھدیاں ہویاں اوہناں دا ورلڈ کپ سکواڈ وچ شامل نہ ہونا حیران کُن اے، اوہ وی ایسے موقعے اتے جڈوں ویمنز ٹیم دی بیٹنگ مشکلات دا شکار اے۔

پاکستان لئی 23 انٹرنیشنل ون ڈے میچاں وچ 34.28 دی اوسط نال 720 رنز، ہک سنچری تے 5 ہاف سنچریاں دی مدد نال بݨاؤݨ والی صدف شمس نے پاکستان لئی آخری 5 ون ڈے میچاں وچ 4 ہاف سنچریاں تے ہک سنچری نال 447 رنز بنائے نیں۔

مئی 2026 وچ نیشنل بینک سٹیڈیم کراچی وچ زمبابوے دے خلاف 3 ون ڈے میچاں وچ صدف شمس نے حدوں ودھ (انتہائی) شاندار کارکردگی وکھاؤندیاں ہویاں 2 ہاف سنچریاں تے ہک سنچری نال 289 رنز ٹھوکے (بنائے) سن۔

پر آئی سی سی ٹی 20 ورلڈ کپ لئی ویمنز سلیکشن کمیٹی نے صدف شمس دی ایس شاندار فارم تے کارکردگی دوواں نوں ہی نظر انداز کر دتا اے۔