کورونا دے ودھدے کیساں دے پیش نظر وفاقی دارالحکومت دے ہور چار علاقے سیل

مہلک وباء کورونا وائرس دے ودھدے کیساں دے پیش نظر وفاقی دارالحکومت اسلام آباد دے ہور چار سیکٹراں نوں سیل کر دتا گیا اے۔ ضلعی انتظامیہ اسلام آباد نے سیکٹر آئی ایٹ تھری، فور تے آئی ٹین ون تے ٹو نوں سیل کرن دا باقاعدہ نوٹیفکیشن وی جاری کر دتا اے۔ نوٹیفکیشن دے مطابق آئی ایٹ تے آئی ٹین مراکز وی بند رہن گے جد کہ ایہناں علاقیاں نوں سیل کرن دے احکامات دا اطلاق ہو گیا اے۔ ضلعی انتظامیہ ولوں ایہناں متاثرہ علاقیاں دی ناکہ بندی لئی پلس، رینجرز تے فوج توں مدد طلب کیتی گئی اے۔ ضلعی انتظامیہ دا کہنا اے لاک ڈاؤن کیتے گئے علاقیاں وچ صرف میڈیکل سٹورز تے اشیائے ضروریہ دی دکاناں کھلی رہن گیاں۔ خیال رہوے کہ انتظامیہ ولوں سیکٹر جی نائن ٹو تے تھری نوں پہلاں سیل کیتا گیا اے۔

اپنا تبصرہ گھلو