جہڑا لہور والیاں نوں جاہل آکھے اوہ آپ جاہل اے: خواجہ سعد رفیق

لہور: مسلم لیگ (ن) دے رہنما خواجہ سعد رفیق دا کہنا اے جہڑا لہوریاں نوں جاہل آکھے اوہ آپ جاہل اے۔ لہور دی احتساب عدالت دے باہر میڈیا نال گل کردیاں خواجہ سعد رفیق آکھیا پوری دنیا نے آکھیا کجھ عرصہ لئی مکمل لاک ڈاؤن کریئے پر ساڈے وزیراعظم آکھیا اسیں سمارٹ لاک ڈاؤن کراں گے، ہن کورونا دیس بھر وچ پھیل چکیا اے۔ دیس وچ سلیکٹڈ لاک ڈاؤن دا سلسلہ جاری اے، پتہ نہیں کتھوں ایہ عجیب ٹرم لے کے آ رہے نیں۔ رہنما (ن) لیگ دا کہنا سی سرکار کورونا دی بجائے اپوزیشن نال لڑ رہی اے۔ وزیراعظم دا کم صرف اپوزیشن نوں برا بھلا کہنا اے، حکومتی وزرا گالھاں دیندے رہندے نیں، جہڑا لہوریاں نوں جاہل آکھے اوہ آپ جاہل اے، کسے وی عوامی نمائندے نوں شہریاں دے بارے وچ غلط الفاظ استعمال نہیں کرنے چاہیدے۔ اسمبلی دے سیشن ضرور ہونے چاہیدے نیں، لیڈر شپ نوں اپنی جان نوں خطرے وچ پانا پیندا اے۔

اپنا تبصرہ گھلو