دیس نوں بے دردی نال لٹن والیاں نوں حساب دینا ہووے گا: شہباز گل

اسلام آباد: وزیراعظم دے معاون خصوصی برائے سیاسی روابط ڈاکٹر شہباز گل دا کہنا اے دیس نوں بے دردی نال لٹن والیاں نوں حساب دینا ہووے گا۔ اپنے بیان وچ ڈاکٹر شہباز گل دا کہنا سی کرپشن دے کیساں دا ساہمنا کرن والے کہڑے منہ نال سرکار نوں بھاشن دے رہے نیں، تحریک انصاف حکومت سیاسی انتقام تے یقین نہیں رکھدی پر دیس نوں بے دردی نال لٹن والیاں نوں حساب دینا ہووے گا۔ ڈاکٹر شہباز گل دا کہنا سی حکومتی پالیسیاں دی وجہ توں کورونا وباء نوں کنٹرول کیتا گیا، اپوزیشن ایس ویلے احتساب توں بھج کے کورونا دے پچھے لُک رہی اے، کاغذ دے شیر بیرون ملک توں کورونا دے خلاف مدد کرن آئے تے آپ ڈھیر ہو گئے۔