بھارت دے اندرونی حالات دے بھیانک نتائج ساہمنے آنا شروع ہو گئے: شاہ محمود قریشی

وزیر خارجہ شاہ محمود قریشی دا کہنا اے بھارت نے قوت وکھائی پر مودی دی ہندوتوا سرکار نوں چین توں منہ دی کھانی پئی۔ شاہ محمود قریشی دا کہنا اے بھارت چین دے نال متنازعہ علاقے وچ سڑکاں بنا رہیا سی پر چین نے معاملے نوں پرامن طور تے حل کرن دی کوشش کیتی۔ اوہناں آکھیا بھارت نے قوت وکھائی تے پہلاں اوہناں دی صرف جسمانی ٹھکائی کیتی گئی، ہن بھارتی فوج دی 20دے قریب موتاں ہو چکیاں نیں۔ ایہ تعداد ودھ وی سکدی ا ے۔ شاہ محمود آکھیا مودی دی ہندوتوا سرکار دی کاروائی سب دے ساہمنے اے، اوہناں نوں منہ دی کھانی پئے گی۔ اوہناں دا کہنا اے بھارت دے اندرونی حالات دے بھیانک نتائج ساہمنے آنا شروع ہو گئے نیں تے مودی سرکار اپنے حالات توں توجہ ہٹان لئی کجھ وی کر سکدی اے۔ وزیر خارجہ دا کہنا اے بھارت دے عزائم درست نہیں، اقوام متحدہ نوں آگاہ کر دتا اے کہ بھارت وچ پاکستانی سفارتکاراں نوں ہراساں کیتا جاندا اے۔