بابر اعوان نال علیم خان دی ملاقات، پنجاب دے سیاسی معاملات تے تبادلہ خیال

اسلام آباد: وزیراعظم دے مشیر پارلیمانی امور بابر اعوان نال پنجاب دے سینئر وزیر علیم خان نے ملاقات کیتی، جہدے وچ ملکی تازہ صورتحال بالخصوص پنجاب دے سیاسی معاملات تے تبادلہ خیال کیتا گیا۔ ملاقات وچ صوبائی حکومت ولوں پیش کیتے جان والے بجٹ دا وی جائزہ لیا گیا۔ بابر اعوان دا کہنا سی مشکل حالات دے باوجود پنجاب وچ عوام دوست بجٹ پیش کیتا گیا، تعلیم تے صحت لئی تریخی بجٹ حکومتی ترجیحات دا عکاس اے۔ بابر اعوان آکھیا قوم وزیراعظم دے تبدیلی دے ویژن نوں حقیقت وچ بدلدا ویکھنا چاہندی اے، وفاقی حکومت وی معاشی پالیسیاں وچ بہتری لئی مسلسل محنت کر رہی اے، عالمی ادارے پاکستان نوں سرمایہ کاری لئی پرکشش ملک قرار دے رہے نیں، کورونا دی صورتحال توں نکلدیاں ای معیشت بہتر پوزیشن وچ ہووے گی۔ علیم خان نے پارلیمانی معاملات بہترین انداز وچ چلان تے بابر اعوان نوں مبارکباد دتی۔ علیم خان آکھیا موجودہ صورتحال وچ بجٹ اجلاس تے ایوان دی کارکردگی دا طریقہ کار بہترین سی۔