کورونا دا کھلار گھٹ کرن لئی عوام دا تعاون بہت ضروری اے: عثمان بزدار

لہور: وزیراعلیٰ پنجاب عثمان بزدار آکھیا اے کورونا دا کھلار گھٹ کرن لئی عوام دا بھرپور تعاون بہت ضروری اے، ماسک تے سماجی فاصلہ اپنان نال کورونا توں بچاؤ ممکن ہووے گا۔ وزیراعلیٰ پنجاب نال وکھو وکھ ضلعیاں دے ارکان صوبائی اسمبلی نے ملاقات کیتی۔ ایس موقع تے عثمان بزدار دا کہنا سی کورونا دی وجہ توں زیادہ متاثرہ علاقیاں نوں بند کر دتا گیا اے، کورونا کیس ختم ہون تے بند کیتے گئے علاقیاں نوں کھول دتا جائے گا، عوام ماسک پاؤن تے سماجی فاصلے دی پابندی نوں اپنا شعار بنان۔ عثمان بزدار نے ہور آکھیا پنجاب وچ کورونا دے مکمل خاتمے تک چین نال نہیں بیٹھاں گے، کورونا دے نال احتیاطی تدابیر اپنا کے معمولات زندگی سرانجام دتے جا سکدے نیں، کورونا تے قابو پان لئی ہربندے نوں اپنا بھرپور کردار ادا کرنا ہووے گا، حکومتی اقدامات دا مقصد عوام دی حفاظت اے۔ وزیراعلیٰ پنجاب نال ملاقات کرن والے ارکان اسمبلی وچ سلیم سرور جوڑا، ارشد چودھری، ملک احمد علی اولکھ، میاں شفیع تے آصف مجید شامل سن۔

اپنا تبصرہ گھلو