گرینڈ ہیلتھ الائنس نے مطالبات دی منظوری لئی محکمہ صحت سندھ نوں الٹی میٹم دے دتا

کراچی: گرینڈ ہیلتھ الائنس نے محکمہ صحت سندھ نوں الٹی میٹم دے دتا، مطالبات پورے نہ ہوئے تے پیر توں وزیراعلیٰ ہاؤس دا گھیراؤ تے ایمرجنسی سروسز دا بائیکاٹ کر دیواں گے۔ پریس کلب دے باہر احتجاج تے بیٹھے طبی عملے دا کہنا سی محکمہ صحت نے مطالبات منظور نہ کیتے تے پیر توں وزیراعلیٰ ہاؤس دا گھیراؤ تے ایمرجنسی سروسز دا وی بائیکاٹ کر دیواں گے۔ محکمہ صحت تے گرینڈ ہیلتھ الائنس دے رہنماواں وچکار مذاکرات دا تیجا دور وی بے نتیجہ ثابت ہویا اے۔ اودھر دو ہفتیاں توں جاری احتجاج دے نتیجے وچ غریب مریض ہسپتالاں توں مایوس آن لگے۔ سندھ حکومت تے ڈاکٹراں دی کھینچا تانی وچ غریب عوام علاج توں محروم ہو گئے نیں۔