قابض بھارتی فوج دی ریاستی ات گردی وچ ہور 6کشمیری نوجوان شہید

سری نگر: مقبوضہ کشمیر دے ضلعیاں شوپیاں تے پلوامہ وچ بھارتی فوج دی جارحیت وچ ہور 6کشمیری نوجوان شہید ہو گئے۔ ایس توں علاوہ قابض فورس نے اک مسیت دے تقدس نوں وی پامال کیتا۔ کشمیر میڈیا سروس دے مطابق بھارتی فوج نے مقبوضہ کشمیر دے ضلعیاں شوپیاں تے پلوامہ وچ ریاستی ات گردی دا بازار گرم کر رکھیا اے، جارحیت پسند بھارتی فوج نے سرچ آپریشن دے ناں تے دوواں ضلعیاں وچ مجموعی طور تے 6کشمیری نوجواناں نوں فائرنگ کرکے شہید کر دتا۔ قابض فوج نے ضلع پلوامہ وچ نام نہاد سرچ آپریشن دی آڑ وچ مذہبی آزادی دے حق نوں پامال کردیاں اک مسیت دے تقدس نوں وی پامال کیتا تے انھے واہ فئارنگ کرکے 2نہتے کشمیری نوجواناں نوں شہید کر دتا۔ ایسے طرح ضلع شوپیاں دے علاقے باندی پورہ وچ وی سرچ آپریشن دے دوران 4نوجواناں نوں شہید کر دتا گیا۔ لداخ وچ چینی فوج دے ہتھوں دھول چٹن تے نیپال دے دباء نوں نہ سہہ سکن والی مودی سرکار نے مقبوضہ کشمیر وچ نہتے عوام دے خلاف طاقت دا بھرواں استعمال شروع کر دتا اے، صرف دو دناں وچ قابض بھارتی فوج دی جارحیت وچ شہید ہون والے نوجواناں دی تعداد 8ہو گئی اے۔

اپنا تبصرہ گھلو