ایف آئی اے نوں سنتھیا رچی دے خلاف کاروائی توں روکن دی عرضی رد

اسلام آباد ہائی کورٹ نے ایف آئی اے نوں سنتھیارچی دے خلاف کاروائی توں روکن دی استدعا رد کر دتی۔ ہائی کورٹ نے مقامی عدالت دے فیصلے دے خلاف امریکی شہری سنتھیارچی دی عرضی دی سماعت کیتی۔ سنتھیا رچی نے درخواست وچ آکھیا بے نظیر بھٹو بارے مبینہ نازیبا زبان استعمال کرن تے مقامی عدالت نے میرے خلاف اندراج مقدمہ دا حکم دتا سی جہنوں ختم کیتا جائے۔ چیف جسٹس اطہر من اللہ نے ریمارکس دتے مقامی عدالت دے فیصلے وچ مقدمہ اندراج دا حکم تے نہیں دتا گیا، عدالت نے تے صرف ایف آئی اے نوں انکوائری دا آکھیا اے۔ ہائی کورٹ نے سنتھیا ڈی رچی دی اندراج مقدمہ دے فیصلے دے خلاف عرضی ناقابل سماعت قرار دے کے خارج کردیاں قرار دتا کہ عدالت ایف آئی اے دی تحقیقات وچ مداخلت نہیں کر سکدی، ایف آئی اے سنتھیا رچی دے خلاف قنون دے مطابق کاروائی جاری رکھے۔