اسلام آباد وچ سمارٹ لاک ڈاؤن نال کورونا کیساں وچ نمایاں کمی

وفاقی دارالحکومت وچ سمارٹ لاک ڈاؤن نال کورونا کیساں وچ نمایاں کمی آ گئی۔ اسلام آباد دے علاقیاں جی نائن ٹو تے تھری وچ سمارٹ لاک ڈاؤن دی وجہ توں کورونا کیسز 25توں گھٹ ہو کے یومیہ 7توں 8تے آ گئے نیں۔ ڈی سی اسلام آباد ڈپٹی کمشنر حمزہ شفقات آکھیا دوواں سب سیکٹرز وچ لاک ڈاؤن توں پہلاں یومیہ 25توں ودھ کیسز نکل رہے سن جہڑے گھٹ ہو کے 7توں 8تے آگئے نیں پر لاک ڈاؤن دے ہور 7دن بعد اصل شرح ساہمنے آئے گی۔ ڈی سی اسلام آباد آکھیا کورونا وائرس دا چونکہ دوانیہ چودہ دن اے ایس لئی ایہدے وچ حتمی شرح ساہمنے آندی اے، جی نائن ٹو تے تھری نوں کھولن یا نہ کھولن دا فیصلہ اج ہووے گا، دووں سیکٹراں دی چھ سو کورونا ٹیسٹاں دی رپورٹاں ملن تے فیصلہ ہووے گا۔