پنجاب: کورونا ایس او پیز دی خلاف ورزی تے گرفتاریاں تے جرمانے، ہوٹل وی سیل

پنجاب دے وکھو وکھ شہراں وچ کورونا وائرس ایس او پیز دی خلاف ورزی تے سخت کاروائیاں کیتی جارہیاں نیں۔ اسسٹنٹ کمشنر سٹی فیصل آباد نے بدر کالونی وچ کرکٹ میچ دے دوران کورونا ایس او پیز دی خلاف وزری تے کاروائی کیتی جہدے وچ فائنل میچ دے دوران 200توں ودھ بندیاں دا اجتماع سی۔ پلس نے کورونا قواعد و ضوابط دی خلاف ورزی تے 9بندے گرفتار کرکے گورنمنٹ جنرل ہسپتال غلام محمد آباد وچ قرنطینہ کر دتا جد کہ 35موٹرسائیکلاں تے کرکٹ دا سامان قبضہ وچ لے لیا۔ اودھر ملتان وچ اسسٹنٹ کمشنر شجاع آباد نے سوئمنگ پول وچ نہان والے 100توں ودھ بندیاں نوں وارننگ دے کے چھڈ دتا جد کہ سوئمنگ پول تے ہوٹل سیل کرکے مالکان دے خلاف مقدمہ درج کر لیا۔ دوجے پاسے بہاولپور وچ کورونا ایس او پیز دی خلاف ورزی تے ضلعی انتظامیہ نے 12دکاناں سیل کردتیاں جد کہ 13دکانداراں نوں 21ہزار روپے جرمانہ کیتا گیا تے 8دکانداراں نوں وارننگ دتی گئی۔

اپنا تبصرہ گھلو