طلبہ دی پریشانی ختم، پنجاب وچ میٹرک نتائج دا اعلان ستمبر وچ ہووے گا

لہور: صوبائی وزیر ہائر ایجوکیشن راجہ یاسر ہمایواں آکھیا اے میٹرک دے نتائج دا اعلان ستمبر وچ کر دتا جائے گا۔ ایس ہفتے پرچیاں دی دوبارہ مارکنگ شروع ہووے گی۔ تھیوری دی بنیاد تے پریکٹیکل دے نمبر دتے جان گے۔ راجا یاسر ہمایوں دا میڈیا نال گل کردیاں کہنا سی کورونا وائرس دی وجہ توں پرچیاں دی چیکنگ رکی ہوئی سی۔ ایس ہفتے پرچیاں دی چیکنگ دی اجازت ملن دا امکان اے۔ صوبائی وزیر ہائر ایجوکیشن آکھیا اجازت ملدیاں دی 90دن وچ نتائج دا اعلان کر دیواں گے۔ طلبہ اطمینان رکھن، پریشان نہ ہون۔ پنجاب بھر وچ 10لکھ توں ودھ طلبہ میٹرک نتائج دے منتظر نیں۔ وسیلیاں دے مطابق لہور وچ 2لکھ 75ہزار طلبہ نے میٹرک دے امتحانات دے رکھے نیں۔ شہر وچ 27مارکنگ سنٹرز قائم کیتے گئے نیں۔ چیئرمین لہور بورڈ ریاض ہاشمی آکھیا اجازت ملدیاں ای پرچیاں دی مارکنگ دا کم شروع کر دیواں گے۔ 90دن توں پہلاں پرچیاں دی مارکنگ دا کم پور اہو جائے گا۔