پلازمہ ویچن والیاں خلاف کاروائی شروع

لہور: لاہور ہائیکورٹ نے پلازمہ وچن والیاں دے خلاف کارروائی دا حکم دے دتا،عدالت نے آکھیا کہ پلازمہ خریدن والیاں توں پُچھ گچھ کر کے لوکاں نوں پھڑا ں گے،لہور ہائیکورٹ اندر پلازمہ ویچن والیاں دے خلاف درخواست جمع کروا دتی گئی،سیکرٹری ہیلتھ نے مریضاں ولوں پلازمہ ویچن دا اعتراف کیتا،چیف جسٹس ہائیکورٹ نے آکھیا کہ اج کل سوشل میڈیا اُتے 2 جملے بوہت مقبول نیں ، سرکاری ہسپتال اندر جائو تے پرائیویٹ ہسپتال اندر نہ جاؤ ،کیونکہ پرائیویٹ ہسپتالاں اندر مال نہیں بچدا،سرکاری افسراں بیان حلفی نال اپنا بیان جمع کرائے گا ،اگر سرکاری افسر جھوٹا ہوئیا تے اوس نوں فوری سزا ملے گیچیف جسٹس قاسم خان نے آکھیا کہ اک کمرے داکرایہ 60ہزار اے ،جس تے ہیلتھ افسر نے عدالت نوں دسیا کہ آئی سی یو دے بیڈ دا کرایہ سرکاری طور تے 50ہزار بن دا اے ،اضافی چارجز تے4ہسپتالاں دےخلاف کاروائی کیتی اے ،سیکرٹری ہیلتھ نے آکھیا کہ مریضاں دا علاج 20دن پہلاں پرائیویٹ ہسپتالاں اندر شروع کیتا گیا ، چیف جسٹس ہائیکورٹ قاسم خان نے آکھیا کہ مینوں نہ دسو کیونکہ میں وی ایس ہی معاشرے دا حصہ واں کیہ تُسی لہور وچ بیٹھ کے پنجاب چلا سکدے او؟