بچی اغوا کیس: سینیٹر سرفراز بگٹی دی عبوری ضمانت منسوخ

کوئٹہ: بلوچستان ہائی کورٹ نے بچی دے اغوا وچ معاونت دے کیس وچ سینیٹر سرفراز بگٹی دی عبوری ضمانت منسوخ کر دتی اے۔ بلوچستان ہائی کورٹ دے جسٹس عبداللہ بلوج نے بچی دے اغوا وچ معاونت دے کیس وچ سابق وزیر داخلہ بلوچستان تے بلوچستان عوامی پارٹی دے رہنما سرفراز بگٹی دی ضمانت دی توثیق دی درخواست تے محفوظ کیتا گیا فیصلہ سنایا۔ عدالت نے سرفراز بگٹی دی عبوری ضمانت منسوخ کر دتی اے۔ سینیٹر سرفراز بگٹی دے خلاف کوئٹہ دے بجلی گھر پلس سٹیشن وچ یاسمین اختر نامی عورت دی درخواست تے مقدمہ درج اے۔ یاسمین اختر دا موقف اے کہ 7دسمبر 2019نوں اپنی 10سالہ نواسی ماریہ علی نوں اوہناں دے والد توکل علی بگٹی نال ملوان لئی کوئٹہ دی فیملی کورٹ لے کے گئی سن پر توکل نے ماریہ نوں اغوا کر لیا۔ توکل دا پچھا کرن تے پتہ چلیا کہ اوہ اپنی ماریہ نوں لے کینٹ وچ واقع سرفراز بگٹی دے گھر لے گیا۔ سیشن کورٹ ایس کیس وچ سرفراز بگٹی دی گرفتاری دا حکم دتا سی جہدے تے سرفراز بگٹی نے عدالت عالیہ نال رجوع کیتا سی۔