مقبوضہ کشمیر وچ قابض بھارتی فورس نے 2نوجواناں نوں شہید کر دتا

سری نگر: ضلع پلوامہ وچ بھارتی فورسز دے ہتھوں 2کشمیری نوجوان شہید کر دتے گئے نیں۔ کشمیر میڈیا سروس دے مطابق قابض بھارتی فوج نے مقبوضہ وادی وچ نام نہاد آپریشن دے راہیں اک وار فیر بربریت دا مظاہرہ کیتا۔ قابض فورس نے ضلع پلوامہ وچ سرچ آپریشن دے دوران فائرنگ کرکے دو کشمیری نوجواناں نوں شہید کر دتا۔ قابض بھارتی فورسز نے وادی وچ موبائل تے انٹرنیٹ سروس وی معطل کر دتی جد کہ ضلع دے داخلی تے خارجی راستے وی بند کر دتے گئے نیں۔ واضح رہوے 2دن پہلاں وی بھارتی فوج نے سری نگر وچ ای سرچ آپریشن دے دوران تن کشمیری نوجواناں نوں گولیاں مار کے شہید کر دتا سی۔