دیس کورونا وائرس دی شکل وچ اک مشکل صورتحال توں لنگھ رہیا اے: یاسمین راشد

لہور: وزیر صحت پنجاب ڈاکٹر یاسمین راشد آکھیا اے ملک کورونا وائرس دی شکل وچ اک مشکل صورتحال توں لنگھ رہیا اے، ڈاکٹراں نوں خدمت انسانیت دی وجہ توں مسیحا دا درجہ دتا جاندا اے۔ سروسز انسٹیٹیوٹ آف میڈیکل سائنسز وچ کورونا مریضاں دی خدمت کرن والے ڈاکٹراں، نرساں تے پیرامیڈیکل سٹاف وچ تعریفی سنداں ونڈن دی تقریب ہوئی۔ یاسمین راشد دا کہنا سی فرنٹ لائن تے فرائض سرانجام دین والے ڈاکٹراں، نرساں تے پیرا میڈیکل سٹاف نوں خراج تحسین پیش کرنے آں، ڈاکٹرز اپنی جاناں دی پرواہ نہ کردیاں ہوئیاں کورونا دے مریضاں دی دن رات خدمت کر رہے نیں۔ وزیر صحت پنجاب دا کہنا سی وزیراعظم عمران خان کورونا وائرس دی صورتحال دا آپ جائزہ لے رہے نیں۔ پرنسپل سمز پروفیسر ڈاکٹر محمود ایاز نے صوبائی ڈاکٹر یاسمین راشد دا رہنمائی کرن تے ڈاکٹراں دی حوصلہ افزائی تے شکریہ ادا کیتا۔

اپنا تبصرہ گھلو