اسلام آباد: 11ہزار توں ودھ کورونا مریضاں وچ اک تہائی عورتاں شامل

اسلام آباد: وفاقی دارالحکومت وچ کورونا مریضاں وچ تشویشناک حد تک وادھا ہو رہیا اے، اسلام آباد وچ ساہمنے آئے کیساں وچ اک تہائی عورتاں شامل نیں۔ سرکاری اعداد و شمار دے مطابق اسلام آباد وچ کورونا دے مجموعی 11 ہزار 219 مریضاں وچوں تقریباً 4 ہزار عورتاں شامل نیں، اک توں 9 سال دے 1 ہزار 02 بچے، 10 توں 19 سال تک دے 654 تے 20 توں29 سال دے 1 ہزار 49 بندے ایس وبا توں متاثر ہوئے۔30 توں39 سال دے مریضاں دی تعداد 2 ہزار 533 توں تجاوز کر گئی اے، 40 توں49 سال تک دی عمر دے 1 ہزار 793 جد کہ 50 توں59 سال دے 1 ہزار 362 بندے وی وائرس دا شکار نیں۔60 توں69 سال تک دے 790 تے 70 سال توں ودھ عمر دے 351 مریض شامل نیں۔ زندگی دی بازی ہارن والیاں و چ اکثریت 60 توں 69 سال دے بندیاں دی اے جہناں وچ 22 عورتاں شامل نیں۔