نیب ایگزیکٹو بورڈ دا اجلاس، 5کرپشن کیساں دی تحقیقات دی منظوری

اسلام آباد: چیئرمین نیب نے شیر علی گورچانی سنے 5کرپشن کیساں دی تحقیقات دی منظوری دے دتی۔ چیئرمین نیب دی زیر صدارت ایگزیکٹو بورڈ دا اجلاس ہویا جہدے وچ نیب نے 3کرپشن کیساں دی تحقیقات دی منظوری دے دتی۔ علامیے دے مطابق سابق سیشن جج خضر حیات، شیر علی گورچانی، سابق رکن پنجاب اسمبلی احمد خان بلوچ دے خلاف وی تحقیقات دی منظوری دتی گئی۔ چیئرمین نیب جاوید اقبال دا کہنا سی ملک توں بدعنوانی دے خاتمہ لئی نیب سنجیدہ کوششاں کر رہیا اے، نیب دی اولین ترجیح میگا کرپشن کیساں نوں منطقی انجام تک اپڑانا اے، نیب دا تعلق کسے سیاسی جماعت، گروہ تے بندے نال نہیں، نیب دا تعلق صرف تے صرف ریاست پاکستان نال اے، نیب کسے دباء، دھمکی تے پروپیگنڈا دی پرواہ کیتے بغیر کم کر رہیا اے۔