پنجاب کابینہ توں کنک دی حتمی قیمت مقرر کرن دی منظوری لین دا فیصلہ

لہور: وزیراعلیٰ پنجاب دی زیر صارت اجلاس وچ صوبائی کابینہ توں فلور ملاں نوں کنک ریلیز کرن تے حتمی قیمت مقرر کرن دی منظوری لین دا فیصلہ کر لیا گیا۔ اجلاس وچ فیصلہ کیتا گیا کہ پنجاب حکومت دے کول کنک دے وافر ذخائر موجود نیں، کابینہ دی منظوری دے بعد فلور ملاں نوں مقرر کیتی قیمت اُتے گندم فراہم کیتی جائے گی۔ وزیراعلیٰ عثمان بزدار آکھیا مارکیٹ وچ کنک دی قیمت وچ استحکام لئی ہر ممکن اقدام کراں گے، آٹے دی قیمت وچ استحکام لئی ہر ممکن آپشن دا جائزہ لے کے فیصلہ کیتا جائے گا۔ عثمان بزدار دا کہنا سی کنک تے آٹے دی قیمتاں نوں عام بندے دی پہنچ وچ رکھن لئی ضروری اقدامات کیتے جان، پنجاب حکومت نے ایس ورھے سیزن دے دوران ریکارڈ کنک خریدی اے۔ اجلاس وچ سینئر وزیر عبدالعلیم خان، چیف سیکرٹری، سیکرٹری خوراک تے متعلقہ حکام نے رلت کیتی۔