جون دے آخر تے جولائی وچ کورونا وائرس عروج تے ہووے گا: شبلی فراز

اسلام آباد: وفاقی وزیر برائے اطلاعات شبلی فراز نے خبردار کیتا اے جون دے آخر تے جولائی وچ کورونا وائرس عروج تے ہووے گا۔ اپنے اک بیان وچ وفاقی وزیر شبلی فراز آکھیا ایس او پیز تے عمل کرنا قوم دا فرض اے کیوں جے اگے جون دے آخر تے جولائی وچ کورونا وائرس عروج تے ہووے گا۔ سمارٹ لاک ڈاؤن بارے اوہناں آکھیا کورونا وائرس دی صورتحال نوں ویکھدیاں ہوئیاں فیصلے کیتے جاندے نیں ایس لئی کورونا دے ہاٹ سپاٹ نوں لبھ کے سمارٹ لاک ڈاؤن دا فیصلہ کرنے آں۔ سندھ سرکار دی تنقید تے اوہناں دا کہنا سی سندھ سرکار نیشنل کمانڈ اینڈ آپریشن وچ فیصلیاں نوں قبول کردی اے تے بعد وچ مراد علی شاہ ہمیشہ کنفیوژن پھیلاندے نیں۔ اوہناں دا کہنا سی صوبے کئی معاملیاں وچ خود مختار نیں پر سندھ سرکار ایس کورونا وائرس دی وباء وچ وی سیاست کر رہی اے۔