خواجہ آصف وی نیب ریڈار تے آ گئے، 26جون نوں لہور آفس طلب

لہور: رہنما مسلم لیگ (ن) خواجہ آصف وی نیب ریڈار تے آ گئے ، نیب لہور نے خواجہ آصف نوں 26جون دی صبح 11وجے طلب کر لیا۔ دسیا گیا اے رکن قومی اسمبلی خواجہ آصف نوں کینٹ ہاؤسنگ سوسائٹی سیالکوٹ کیس وچ طلب کیتا گیا اے۔ خواجہ آصف تے الزام اے اوہناں نے موجودہ زمین توں ودھ فروخت کر دتی۔ ذرائع دے مطابق خواجہ آصف تے اختیارات توں تجاوز کرن دا وی الزام اے، کیس وچ خواجہ آصف دے اہل خانہ وی شامل نیں۔