قنون ساز اسمبلی دی مدت ختم، نگران وزیراعلیٰ گلگت میر افضل دے ناں دی منظوری

اسلام آباد: گلگت بلتستان قنون ساز اسمبلی دی مدت ختم ہو گئی۔ وزیراعظم پاکستان عمران خان نے سابق ڈی آئی جی میر افضل خان نوں نگران وزیراعلیٰ گلگت بلتستان مقرر کرن دی منظوری دے دتی۔ نگران وزیراعلیٰ گلگت بلتستان میر افضل خان دے ناں دی باضابطہ منظوری دے بعد نوٹیفکیشن جاری کر دتا گیا، 25جون نوں نگران وزیراعلیٰ اپنے عہدے دا حلف چُکن گے جہدے بعد صوبے وچ انتخابات دا پراسیس شروع کرن لئی نگران حکومت دا قیام عمل وچ لیایا جائے گا۔ میر افضل خان دا تعلق ضلع استور دے علاقے بونجی توں اے، میر افضل خان لمے عرصے تک پلس ڈیپارٹمنٹ وچ وکھو وکھ عہدیاں تے کم کردے رہے تے اوہناں نے ایس پی تے فیر ایس ایس پی دی حیثیت نال گلگت بلتستان دے سارے ضلعیاں وچ فرائض سرانجام دتے جد کہ کجھ ورھے پہلاں اوہ ڈی آئی جی دے عہدے توں ریٹائر ہوئے سن۔