کورونا پاروں 148افراد اللہ نوں پیارےہو گئے

اسلام آباد: پاکستان وچ گزرے 24 گھنٹیاں دے دوران کورونا دے مزید 148 مریض جاں بحق ہوگئے جس دے بعد اس وائرس توں لقمہ اجل بنن والیاں دی تعداد 3 ہزار 903 ہوگئی اے۔
نیشنل کمانڈ اینڈ آپریشن سینٹر دے مطابق گزرے 24 گھنٹیاں دے دوران ملک بھر وچ 21 ہزار 835 ٹیسٹ کیتے گئے جد کہ مجموعی طور تے 11 لکھ 71 ہزار 976 ٹیسٹ کیتے جا چکے نیں۔ 24 گھنٹیاں وچ ملک بھر توں کورونا وائرس دے مزید 4 ہزار 44 کیسز رپورٹ ہوئے جس دے بعد متاثرہ افراد دی تعداد اک لکھ 92 ہزار 970 ہو گئی ہے جیہناں وچوں 81 ہزار 307 مریض صحت یاب ہوگئے۔
سرکاری اعداد و شمار دے مطابق سندھ وچ کورونا مریضاں دی تعداد 74 ہزار70 ، پنجاب وچ 71 ہزار 191، خیبر پختونخوا وچ 23 ہزار 887، بلوچستان وچ 9 ہزار 817، اسلام آباد وچ 11 ہزار 710، آزادکشمیروچ 930 تے گلگت بلتستان وچ ایک ہزار 365 کیسز رپورٹ ہو چکے ہیں۔کورونا وائرس پاروں سب توں زیادہ موتاں پنجاب و چ ہوئیاں نیں جیتھیاک ہزار 602 افراد جا ن دی بازی ہار چکے نیں۔ سندھ وچ اک ہزار 161، خیبر پختونخوا وچ869، اسلام آباد وچ 115، گلگت بلتستان وچ 23، بلوچستان وچ 108 تے آزاد کشمیر وچ 25 افراد کورونا وائرس نال اللہ نوںپیارے ہو چکے نیں
کورونا وائرس تے احتیاطی تدابیر:
کورونا وائرس دے خلاف ایہ احتیاطی تدابیر اختیار کرن توں اس وبا دے خلاف جنگ جیتنا آسان ہوسکدا اے۔ صبح دا کجھ وقت دھوپ وچ گزارنا چاہیدا اے، کمریاں نوں بند کرکے نہ بیٹھو بلکہ بوہے باریاں کھول دیو تاکہ ہلکی دھوپ نوں کمریاں وچ آئے۔ بند کمریاں وچ اے سی چلاکر بیٹھن دے بجائے پنکھے دی ہوا وچ بیٹھو۔

اپنا تبصرہ گھلو