جنید خان نے آخر دل دی گل آکھ چھڈی

پشاور: فاسٹ باؤلر جنید خان ہوراں نے آکھیا کہ سینٹرل کنٹرکٹ توں باہر ہوون دا بوہت زیادہ دُکھ اے کہ دورہ انگلینڈ لئی 29کھلاڑیاں اندر میرا نال نہیں شامل کیتا گیا،ویڈیو لنک دے ذریعے اوہناں آکھیا کہ اگر انگلینڈ اندر پرفارمنس دی بنیاد اُتے سلیکشن ہوئی تے میرا پچھلا ریکارڈ بوہت چنگا اے ،پاکستانی ٹیم اندر سب توںودھ میں کاؤنٹی کھیڈی اے ، انگلینڈ اندر میری پرفارمنس دا جائزہ لیتا جائے تے مینوں ٹیم وچ شامل کرنا چاہیدا سی ،ایس صورت حال اندر وی میں مایوس نہیں ۔ پہلے توں زیادہ محنت کراں گا تے کوشش کراں کا کہ ٹیم اندر سیلکٹ ہو جاواں،اوہناں آکھیا کہ انگلینڈ اندر آئی سی سی دے نویں قانون وچ ریورس سوئنگ کرن والے تیز باؤلراں نوں مشکل ہوئے گی،تے وکٹ لین لئی بہت زور لانا پیے گا، کیونکہ گیند نوں تھوک نہیں لگے گا تے شائن نہیں ہوئے گا جس وجہ نال ہر باؤلر لئی وکٹ لینی بوہت وڈا چیلنج ہوئے گا، پاکستان دے کول شاہین آفریدی تے نسیم شاہ ورگے نوجوان باؤلر ہونا بوہت خوشی دی گل اے ، اوہناں آکھیا کہ پریشردی وجہ نال کھیڈاری اپنی گیم نہیں کھیل سکدے کیونکہ میرے نال وی ایس طرح ہو چُکیا اے،پنڈ وچ میری اپنی اک چھوٹی جئی اکیڈمی اے جس اندر میں ٹریننگ کرداں واں تاکہ میں اپنے آپ نوں فٹ رکھ سکاں

اپنا تبصرہ گھلو