ایس او پیز تے عمل نہ کیتا گیا تے ہسپتالاں تے دباء ودھ جائے گا: وزیراعظم

اسلام آباد: وزیراعظم عمران خان دا کہنا اے کورونا توں بچاؤ لئی ایس او پیز تے عمل نہ کیتا گیا تے ہسپتالاں وچ دباء ودھ جائے گا۔ اسلام آباد وچ ٹائیگر فورس دے رضا کاراں نال خطاب دے دوران وزیراعظم عمران خان آکھیا رضا کارانہ کم کرن تے ٹائیگر فورس دے اہلکاراں دا مشکور آں، ہر دیس وچ ایس او پیز تے عملدرآمد رضا کاراں نے کرایا، لوکاں نوں ایہ دسنا ضروری اے کہ ایس او پیز تے عمل کرانا ضروری اے پر لوکاں نوں سمجھ نہیں آرہی کہ ایس او پیز تے عمل کناں ضروری اے، ایس او پیز تے عمل نہ کیتا گیا تے ہسپتالاں تے دباء ودھ جائے گا۔ وزیراعظم عمران خان آکھیا ساڈے کول پڑھے لکھے لوک نیں، ساڈے کول صرف اک مہینہ اے، سانوں ہور چنگا کم کرنا اے، اسیں کورونا وائرس دی پیک توں جلد نکل جاواں گے جد کہ ساڈی انتظامیہ تھک گئی اے، اوہناں نوں اپنا وی کم کرنا اے۔