پاکستان مسلم لیگ ن نے وزیراعظم توں استعفےدامطالبہ کر دتا

اسلام آباد: پاکستان مسلم لیگ نے وزیر اعظم توں استعفیٰ دے مطالبہ کر دتا۔اوہناں آکھیا کہ عمران خان ہارمن لین تے گھر نوں جاون،مہنگائی دا طوفان سونامی دی صورت اختیار چُکیا اے ،حکومت نے پیٹرولیم مصنوعات اُتے اضافی ٹیکس لائے،شاہدخاقان عباسی ، خواجہ آصف تے احسن اقبال دے نال میڈیا نال گل بات کردیا ہویا آکھیا کہ 31مئی2018نوں جد حکومت چھڈی تے پاکستانی پیٹرول 72.11روپئے خریدیا سی،تے ٹیکس لا کے 70.87 روپئے اندر فروخت ہندا سی،اج جو پیٹرول دی قیمت رکھی گئی اے اوس دی قیمت55روپئے اے،پیٹرول اُتے 44روپئے توں ودھ ٹیکس لا دتا گیا اے.55تو56روپئے پیٹرول دی قیمت اُتے ٹیکس لا کے ایس نوں 67دے کول کول فروخت ہونا چاہیدا اے،لیگی رہنما نے مزید آکھیا کہ جیتہے معشت تباہ ہوئے اوتھے پیٹرول دی قیمت ودہنا افسوس ناک اے،وزیر اعظم ایوان اندر آکھدے نیں کہ میرے کول ہن ایس توں علاوہ کوئی حل نئیں،حکومت ٹیکس اکھٹا کرن ، انڈسٹری ودہاون تے سرمایہ کاری اندر بُری طرح ناکام ہو چکی اے ،خواجہ آصف نے آکھیا کہ عمران خان نے2013تے2018وچ پیٹرول اُتے ٹویٹ کیتا ،اج پیٹرول دی تے بجلی دی قیمت وی آسمان نال گل کر رہیی اے،عمران خان نے پیٹرول دی قیمت بارے تنقید کیتی سی،اگر جرات ہے تے عمران خان استعفیٰ دیون،پی ٹی آئی نے اپنا لیڈر چن لیا ہویا اے ،لیگی رہنما میاں احسن اقبال نے آکھیا کہ حکومت نے چور دروازے اندروں پیٹرول اُتے اضافی ٹیکس لا کے ایس دی قیمت ودہائی اے ،پیٹرول دی قیمت اچانک ودہن نال ملک دی معیشت تے بوہت وڈا اثر ہویا اے