عالمی منڈی وچ تیل ودھیا تے اسی ودھایا: شبلی فراز

اسلام آباد: شبلی فراز نے صاف صاف آکھ دتا کہ عالمی منڈی وچ تیل ودھیا تے اسی ودھایا اے،وزیر اطلاعات شبلی فراز نے ٹویٹ اندر آکھیا کہ ہن وی ملک اندر پیٹرول دی قیمت دوجے ملکاں توں گھٹ اے ،عوام دی فلاح ساڈی پہلی ترجیح اے تے اسی ریلیف دیون دی پوری کوشش کراں گے،اوہناں نے مزید آکھیا کہ کورونا نال پوری دُنیا دی معیشت بُری طرح متاثر ہوئی اے،بین الاقوامی سطح تے پیٹرولیم مصنوعات دی قیمت اندر ایس طرح دا اضافہ نئیں ویکھیا، ایس وجہ نال قیمتاں اُتےنظر ثانی کرنی پئی،خیال رہیے کہ حکومت نے پیٹرولیم دی قیمت اندر25روپئے58پیسے دا اضافہ کیتا جس دے بعد قیمت100روپئے10پیسے فی لیٹر ہو گئی،جد کہ ہائی سپیڈ ڈیزل 21روپئے31پیسے فی لیٹر مہنگا کر کے 101روپئے 46پیسے فی لیٹر کر دتا ،ایس طرح مٹی دے تیل دی قیمت وی23روپئے50پیسےفی لیٹر مہنگا کرن توں بعد اوس دی قیمت59روپئے6پیسے ہو گئے