ساڈھے3 مہینے بعد کرتا پور راہداری وی کھول دتی گئی

لہور: پاکستان نے ساڈھے 3مہینے بعد کرتار پور راہداری دوبارہ کھول دتی ،اگر سکھ یاتری دربار وچ درش لئی آوندے نے تو اوہناںنوں امیگریشن تے کسٹم کلیئرنس توں بعد درباد اندر پیجھیا جائے گا،دربار اندر متھا ٹیکن لئی آون والیاںنوں ایس او پیز اُتے عمل کرنا پئے گا،،بھارت دی شرومنی گوردوارہ اُتے بند ھک کمیٹی سمیت دُنیا بھر دے سکھ یاتریاں نے پاکستان دےایس کم دا خیر مقدم کیتا ،جد کہ بھارتی حکومت اندر ایس رویئے توں ما یوسی دا اظہار کیتا جا رہیا اے،گوردوارہ دربار کرتار پور دے ہیڈ گرنتھی گیانی گوبندھ سنگھ نے آکھیا کہ 16مارچ نوں کورونا دی وجہ توں کرتا پور راہداری بن کر دتی گئی سی ، پاکستان سکھ گوردوارہ اُتے بندھک کمیٹی نے وی اج29جون توں گوردوارہ کھولن دے ایس قدم نوں سراہیا اے ،سردار ستونت سنگھ نے آکھیا کہ پاکستان دا ایہ چنگا کم اے لیکن بھارتی حکومت نے ایس فیصلہ توں مایوسی دا اظہار کیتا اے ۔