پنجاب اندر ایس او پیز دی خلاف ورزی کرن تےہزاراں دکاناں نوں سیل کر دتا گیا

لہور: آئی جی پنجاب شعیب دستگیر دی ہدایت تے کورونا دی روک تھام لئی ایس او پیز تے عمل نہ کرن تے ، 6 جون توں جاری آپریشن اندر 141263دکاناں دی انسپکشن تے خلاف ورزی کرن تے 16923 دکاناں نوں سیل کر دتا گیا،مجموعی طورتے190411موٹر سائیکلاں،62387گڈیاں تے 38790پبلک ٹرانسپورٹ وہیکلز نوں چیک کیتا گیا ، 79204 موٹر سائیکلاں،گڈیاںتے ٹرانسپورٹ وہیکلزنوں خلاف ورزی اُتے سول ایڈمنسٹریشن نے جرمانے عائد کیتے، ایس او پیزدی پاسداری دے حوالے نال 220043شہریوں نوں روکیا گیا تے خلاف ورزی تے12249نوں جرمانہ کیتا گیا،آئی جی پنجاب شعیب دستگیر ہوراں نے آکھیا کہ کورونا دے پھیلاؤ نوں گھٹ کرن لئی سمارٹ لاک ڈاؤن دے حوالے نال حکومت پنجاب دی جاری کردہ ہدایات اُتے عمل کرن نوں ہر صورت یقینی بنایا جائے،اوہناں نے آکھیا کہ موذی وباء کورونا دی روک تھام لئی پولیس سول ایڈمنسٹریشن دے نال مل جُل کے کارروائیاں جاری رکھن،تے ڈیوٹی تے دوران وی اہلکار کورونا توں بچن دے حوالے نام احتیاطی تدابیراں اُتے عمل کروان۔