گورنر تے وزیراعلیٰ سندھ دی پاکستان سٹاک ایکسچینج تے حملے دی مذمت، رپورٹ طلب

کراچی: گورنر تے وزیراعلیٰ سندھ نے پاکستان سٹاک ایکسچینج تے فائرنگ تے دستی بمب حملے دی مذمت کردیاں واقعہ دی تفصیلی رپورٹ طلب کر لئی۔ گورنر سندھ نے آئی جی نوں فون کرکے واقعہ دی تفصیلی رپورٹ طلب کر لئی۔ عمران اسماعیل دا کہنا سی سٹاک ایکسچینج نوں سکیورٹی فراہم کرنا پلس دی ذمہ داری اے۔ سٹاک ایکسچینج تے حملہ پاکستان دی معیشت تے حملہ اے۔ وزیراعلیٰ سندھ نے پلس، رینجرز ولوں ویلے سر کاروائی نوں سراہیا، مراد علی شاہ نے قنون نافذ کرن والے اداریاں نوں چوکس رہن دی ہدایت دے دتی۔ مراد علی شاہ دا کہنا سی پاکستان سٹاک ایکسچینج تے حملہ ملکی سلامتی تے معیشت تے حملے دے مترادف اے، وبائی صورتحال دے پیش نظر ملک دشمن عناصر نجائز فیدہ چُکنا چاہندے نیں، واقعے دی پوری تفصیلی انکوائری کرکے رپورٹ پیش کیتی جائے۔