پاکستان سٹاک ایکسچینج تے حملہ سکیورٹی جواناں نے بہادری نال نکام بنایا: وزیراعظم

اسلام آباد: وزیراعظم عمران خان نے کراچی سٹاک ایکسچینج تے دہشت گردی حملے دی مذمت کیتی۔ اوہناں آکھیا سکیورٹی اداریاں دے جواناں نے بہادری نال دشمن دا مقابلہ کیتا تے ایس حملے نوں نکام بنایا۔ وزیراعظم عمران خان دا کہنا سی پوری قوم نوں اپنے بہادر جواناں تے فخر اے، شہیداں دے لواحقین نال دلی ہمدردی تے زخمیاں دی صحت یابی لئی دعاگو آں۔ دوجے پاسے گورنر تے وزیراعلیٰ سندھ نے پاکستان سٹاک ایکسچینج تے فائرنگ تے دستی بمب حملے دی مذمت کردیاں واقعہ دی تفصیلی رپورٹ طلب کر لئی۔ گورنر سندھ نے آئی جی نوں فون کرکے واقعہ دی تفصیلی رپورٹ طلب کر لئی۔ عمران اسماعیل دا کہنا سی سٹاک ایکسچینج نوں سکیورٹی فراہم کرنا پلس دی ذمہ داری اے، سٹاک ایکسچینج تے حملہ پاکستان دی معیشت تے حملہ اے۔ وزیراعلیٰ سندھ نے پلس، رینجرز ولوں ویلے سر کاروائی نوں سراہیا۔

اپنا تبصرہ گھلو