قومی اسمبلی نے وفاقی بجٹ 2020-21ء کثرت رائے نال منظور کر لیا

اسلام آباد: قومی اسمبلی وچ اگلے مالی ورھے دا وفاقی بجٹ کثرت رائے نال منظور کر لیا گیا اے۔ سپیکر قومی اسمبلی اسد قیصر دی سربراہی وچ فنانس بل 2020-21دی شق وار منظوری دا عمل پورا ہو گیا، بجٹ دی منظوری دے دوران اپوزیشن دی ساری تحریکاں نوں رد کر دتا گیا اے۔ بجٹ دی منظوری دے بعد سپیکر نے قومی اسمبلی دا اجلاس منگل دی صبح 11وجے تک ملتوی کر دتا۔ قومی اسمبلی دے بعد بجٹ دی منظوری سینیٹ توں وی لئی جائے گی جہدے بعد صدر مملکت ایہدے تے دستخط کرن گے۔ سرکار نے 12جون نوں قومی اسمبلی وچ اگلے مالی ورھے لئی بجٹ پیش کیتا سی جہدا حجم 71کھرب 37ارب روپے اے۔ بجٹ وچ کوئی نواں ٹیکس نہیں لایا گیا اے۔ بجٹ وچ حکومتی آمدنی دا تخمینہ فیڈرل بورڈ آف ریونیو ولوں محصولات دی صورت وچ 4963ارب روپے تے نان ٹیکس آمدنی دی مد وچ 1610ارب روپے رکھیا گیا اے جد کہ 3437ارب روپے دا خسارہ اے۔

اپنا تبصرہ گھلو