بھارت اندرونی انتشار توں توجہ ہٹان لئی دہشت گردی کرا رہیا اے: وزیر خارجہ

اسلام آباد: شاہ محمود قریشی دا کہنا اے بھارت پاکستان دے صوبے بلوچستان وچ مسلسل مداخلت تے افغانستان وچ امن دی کوششاں نوں وی متاثر کر رہیا اے۔ وزیر خارجہ شاہ محمود قریشی نے اپنے اک بیان وچ آکھیا اے بھارت مسلسل کوشش کردا چلیا آ رہیا اے کہ پاکستان وچ عدم استحکام ہووے۔ اوہناں آکھیا بھارت افغانستان وچ امن دی کوشش نوں وی متاثر کر رہیا اے۔ ایس حوالے نال اوہ امریکی نمائندہ خصوصی نوں وی بھارت دی ایہناں مذموم کوششاں بارے دس چکے نیں۔ وزیر خارجہ آکھیا سٹاک ایکسچینج تے حملے وچ دہشت گرد لوکاں نوں یرغمال بنانا چاہندے سن، پاکستانی جونواناں نے دہشت گرداں دے حملے نوں نکام بنایا، بھارت اندرونی انتشار توں توجہ ہٹان لئی دہشت گردی کرا رہیا اے، بھارت دنیا دی توجہ ہٹان لئی دہشت گردی دے واقعات چاہندا اے، مقبوضہ کشمیر تے علامی توجہ ودھن تے بھارت نے پلوامہ دا ڈرامہ رچایا۔

اپنا تبصرہ گھلو