کنٹرول لائن تے بھارت دی بلااشتعال فائرنگ، 5شہری شدید زخمی

راولپنڈی: آئی ایس پی آر دے مطابق لائن آف کنٹرول تے بھارتی فوج دی بلااشتعال فائرنگ دے نتیجے وچ 5شہری شدید زخمی ہو گئے۔ پاک فوج دے شعبہ تعلقات عامہ (آئی ایس پی آر) دے مطابق لائن آف کنٹرول تے بھارتی فوج نے نکیال سیکٹر وچ سول آبادی نوں بھاری ہتھیاراں نال نشانہ بنایا جہدے نتیجے وچ 5شہری شدید زخمی ہو گئے۔ ڈی جی آئی ایس پی آر دے مطابق بھارتی فوج دی فائرنگ نال زخمی ہون والیاں وچ 2عورتاں تے 2بچے وی شامل نیں جد کہ پاک فوج نے بھارتی فائرنگ دا موثر جواب دتا تے اوہناں بھارتی چوکیاں نوں نشانہ بنایا جتھوں پاکستانی علاقیاں وچ فائرنگ کیتی گئی سی۔ دوجے پاسے ترجمان دفتر خارجہ دے مطابق سینئر بھارتی سفارتکار نوں دفتر خارجہ طلب کرکے احتجاجی مراسلہ حوالے کیتا گیا جہدے وچ بھارتی قابض افواج دی ایل او سی دی خلاف ورزیاں تے سخت احتجاج کیتا گیا اے۔

اپنا تبصرہ گھلو