ڈاکٹر ظفر مرزا دا کورونا ٹیسٹ مثبت آ گیا، اپنے آپ نوں گھر وچ قرنطینہ کر لیا

اسلام آباد: وزیراعظم دے معاون خصوصی برائے صحت ڈاکٹر ظفر مرزا وی کورونا وائرس دا شکار ہو گئے۔ اوہناں نے اپنے آپ نوں گھر وچ قرنطینہ کر لیا۔ معاون خصوصی ڈاکٹر ظفر مرزا نے ٹویٹر تے جاری اپنے بیان وچ کورونا وائرس توں متاثر ہون دی تصدیق کیتی اے۔ اوہناں دا کہنا اے اوہناں نوں کورونا وائرس دی معمولی علامتاں سن، جہدے بعد ٹیسٹ کرایا۔ اپنی ٹویٹ وچ اوہناں نے ہور لکھیا میرا کورونا وائرس دا ٹیسٹ مثبت آ گیا اے، جہدے بعد اپنے آپ نوں قرنطینہ کر لیا اے تے حفاظتی اقدامات تے عمل کر رہیا آں۔ڈاکٹر ظفر مرزا نے عوام توں دعاواں دی عرضی کیتی اے۔ معاون خصوصی نے کورونا وائرس دے خلاف اپنی ٹیم دی کارکردگی نوں سراہندیاں آکھیا اے اوہ ایس وباء دے خاتمے لئی شاندار کم کر رہے نیں، جہنوں جاری رکھیا جائے۔

اپنا تبصرہ گھلو