نیب دے کول نہ صلاحیت اے نہ ای تحقیقات دا تجربہ اے: سپریم کورٹ

اسلام آباد: سپریم کورٹ نے اپنے تحریری حکم نامے وچ آکھیا اے ریفرنس دے فیصلیاں وچ تاخیر دی وجہ نیب آپ اے، نیب دے کول نہ صلاحیت اے نہ ای تحقیقات دا تجربہ اے۔ سپریم کورٹ نے نیب مقدمیاں وچ تاخیر کیس دا حکم نامہ جاری کر دتا اے، حکم نامے وچ آکھیا گیا اے نیب ریفرنس دے فیصلیاں وچ تاخیر دی وجہ نیب آپ اے، نیب دے کول نہ صلاحیت اے نہ ای تحقیقات دا تجربہ اے تے تحقیقات دا جائزہ لین دا وی کوئی پیمانہ نہیں۔ حکم نامے وچ آکھیا گیا اے نقائص تے مبنی تحقیقات نوں ریفرنس وچ بدل دتا جاندا اے، چیئرین نیب نوں مرتب ریفرنس دا آپ جائزہ لین دی لوڑ اے، نیب 30دن وچ ریفرنس تے فیصلے نوں یقینی بنائے، فیصلیاں وچ تاخیر دی وجہ نیب، آفیشل تے پراسیکیوشن ٹیم اے، چیئرمین نیب جے سمجھے کہ اوہناں دی ٹیم دا تجربہ مسئلہ اے تے تبدیل کر دین۔ عدالت نے حکم دتا اے نیب اپنے رولز مرتب کرکے اگلی سماعت تے پیش کرے، چیئرمین نیب اگلی سماعت تے تحریری جواب دین۔ سیکرٹری قنون نے نویں 120عدالتاں دی کابینہ توں منظوری لے کے ججاں دی تعیناتی دا بیان دتا، نویں 120احتساب عدالتاں وچ ججز نیب ریفرنس تے جلد فیصلہ کرن دی پوزیشن وچ ہون گے۔