1700پلس اہلکار فرائض دی ادائیگی دے دوران کورونا دا شکار ہوئے: آئی جی پنجاب

لہور: آئی جی پنجاب پلس شعیب دستگیر آکھیا اے پنجاب پلس دے 1700دے قریب افسر و اہلکار فرائض دی ادائیگی دے دوران کورونا دا شکار ہوئے۔ آئی جی پنجاب پلس شعیب دستگیر نے عید الاضحی دے موقع تے شہریاں لئی اپنے پیغام وچ آکھیا ایس او پیز تے عملدرآمد دی بدولت کورونا وباء وچ کمی آئی اے پر ایہنوں برقرار رکھن لئی احتیاطی تدابیر دی پابندی چاہیدی اے۔ عید الاضحی تے وی کورونا وباء دا خطرہ برقرار اے جہدے توں تحفظ لئی احتیاطی تدابیر دی پابندی ضروری اے، عید دی چھٹیاں وچ احتیاطی تدابیر نوں نظر انداز کیتا تے کورونا دے کھلار والی صورتحال دوبارہ ابھر سکدی اے۔ عید قربان دی خوشیاں منان ویلے کورونا توں بچاؤ لئی ایس او پیز تے عملدرآمدتے صورت یقینی بنائی جائے، مویشی منڈیاں، نماز عید دی ادائیگی تے برہم ملاقات لئی بنائے گئے ایس او پیز دی پابندی تے خاص توجہ دتی جائے۔