کورونا وباء دے دوران منفی سیاست کرن والیاں نوں منہ دی کھانی پئی: وزیراعلیٰ پنجاب

لہور: وزیراعلیٰ پنجاب آکھیا اے کورونا وباء دے دوران منفی سیاست کرن والیاں نوں منہ دی کھانی پئی، کورونا تے پوائنٹ سکورنگ کرن والے اپوزیشن رہنماواں نوں جھوٹھ دی سیاست توں توبہ کر لینی چاہیدی اے۔ سردار عثمان بزدار نے اپنے بیان وچ آکھیا وزیراعظم عمران خان دی قیادت وچ سرکار دی انسداد کورونا پالیسی کامیاب رہی، سمارٹ لاک ڈاؤن پاروں کورونا وباء دا کھلار روکن وچ مدد ملی، عالمی سطح تے وی وزیراعظم عمران خان دے انسداد کورونا ویژن نوں سراہیا جا رہیا اے۔وزیراعلیٰ دا کہنا سی اپوزیشن دے کول کوئی حکمت عملی اے نہ کوئی ایجنڈا، پاکستانی عوام وچ اپوزیشن رہنماواں دی ساکھ ختم ہو چکی اے۔