مولانا عید مگروں اپوزیشن جماعتوں نال رل کے تحریک دا چسکا اک وار فیر پورا کر لین: فیاض چوہان

لہور: وزیر اطلاعات پنجاب فیاض الحسن چوہان آکھیا اے مولانا وی عید مگروں اپوزیشن جماعتاں نال رل کے اک وار فیر تحریک چلان دا چسکا پورا کر لین۔ ایس نام نہاد تحریک دا حشر وی پچھلی تحریکاں توں وکھرا نہیں ہووے گا۔ فیاض الحسن چوہان نے اپنے ردعمل وچ آکھیا سارے منظرنامے توں مولانا فضل الرحمان تے غیر متحدہ اپوزیشن نوں عقل آ جانی چاہیدی اے۔ مولانا دی شہباز شریف تے بلاول زرداری نوں ملان دی ساری جدوجہد تے پہلاں ای پانی پھر چکیا اے۔ شہباز تے بلاول دی مشترکہ پریس کانفرنس دے آخری دو منٹ نے اوہناں دے اتحاددا پول کھول دتا۔ دوواں رہنمواں دی اک دوجے تے ذمہ واری پان دی نکام کوشش ساری پاکستانی عوام نے ویکھی۔ فیاض الحسن چوہان آکھیا سینیٹ توں دو تہائی اہم بلاں دی منظوری تے وزیراعظم عمران خان تے اوہناں دی ٹیم مبارکباد دی مستحق اے۔ ایس قنون سازی نال پاکستان دا ایف اے ٹی ایف دی گرے لسٹ توں نکلن دی ڈیڈ لائن تک چھیتی اپڑنا ممکن ہو سکے گا۔

اپنا تبصرہ گھلو