بلاتفریق تے شفاف احتساب توں اک انچ وی پچھے نہیں ہٹاں گے: گورنر پنجاب

لہور: گورنر پنجاب چودھری سرور آکھیا اے بلاتفریق تے شفاف احتساب توں اک انچ وی پچھے نہیں ہٹاں گے، سیاسی مخالفاں نوں صرف اپنی فکر اے اوہناں نوں ملک و قوم دے مفادات دا سوچنا چاہیدا اے۔ گورنر پنجاب نال چیئرمین ہلال احمر ابرار الحق تے پارٹی وفود نے ملاقاتاں کیتیاں۔ ایس موقع تے چودھری سرور دا کہنا سی ایف اے ٹی ایف بارے 2بلاں دی پارلیمنٹ توں منظوری تریخی اقدام اے، ملکی مفاد وچ ہون والی قنون سازی وچ اپوزیشن نوں سرکار دا ساتھ دینا چاہیدا اے۔ چودھری سرور دا کہنا سی دہشت گردی دے خلاف 22کروڑ پاکستانی افواج تے دوجی سکیورٹی فورسز دے نال آں، امن دے قیام تے دہشت گردی دے خاتمے لئی پاکستان نے بے پناہ قربانیاں دتیاں نیں۔ گورنر پنجاب نے ہور آکھیا کورونا دے خلاف سمارٹ لاک ڈاؤن سنے دوجے حکومتی اقدامات موثر ثابت ہوئے نیں، کورونا وائرس دے کھلار نوں روکن لئی عوام نوں اپنی ذمہ داریاں دا احساس کرنا چاہیدا اے، عوام عید سادگی نال منان تے کورونا ایس او پیز تے عمل کرن۔