پاکستان ٹیم دا کوچ تے سلیکٹر بننا بہت وڈا اعزاز اے: مصباح الحق

لہور: قومی ٹیم دے ہیڈ کوچ مصباح الحق دا کنا اے پاکستان ٹیم دا کوچ تے سلیکٹر بننا بہت وڈا اعزاز اے، ذمے داریاں دین تے پی سی بی دا مشکور آں۔

لہور وچ مصباح الحق دے نال پریس کانفرنس کردیاں پی سی بی دے سی ای او وسیم خان نے مصباح الحق دے ہیڈ کوچ بنن دا اعلان کیتا۔ ایس موقع تے وسیم خان نے آکھیا 2020، 2021 وچ دو وڈے انٹرنیشنل ایونٹس آ رہے نیں، مصباح دے تجربے توں فائدہ ہووے گا، اسیں اپنے کوچز نوں موقع دے رہے آں، اوہناں نوں کناں معاوضہ دے رہے ایہ راز دی گل اے تے مصباح الحق ہیڈ کوچ تے سلیکٹر نیں، اوہناں نوں گھٹ پیسے کیوں دیواں گے جد کہ مصباح الحق نوں پی ایس ایل وچ کوچنگ کرن دی اجازت دے دتی اے۔

ہیڈ کوچ دی ذمہ داریاں سنبھالن والے سابق کپتان مصباح الحق نے آکھیا پاکستان ٹیم دا کوچ تے سلیکٹر بننا بہت وڈا اعزاز اے، ذمے داریاں دین تے پی سی بی دا مشکور آں، میرے اُتے اعتماد کرن دا شکریہ، سب نے ویکھیا اے کہ تنقید برائے تنقید نوں کیویں ڈیل کیتا، خامیاں نوں دور کرن دا حوصلہ ہونا چاہیدا اے، 17ورھے کرکٹ کھیڈی اے، دستیاب وسائل تے ای حکمت عملی بنائی جاندی اے۔

اپنا تبصرہ گھلو