ڈاکٹرز نے نواز شریف دا بیرون ملک علاج ناگزیر قرار دتا تے رستہ نکل سکدااے ‘اعجاز شاہ

آصف زرداری دا فیصلہ عدالت نے کرنا اے’ سرکار مدت پوری کرے گی’ اسیں ڈیلور کرگئے تے اگلے پنج سال وی ساڈے نیں ‘وفاقی وزیر داخلہ کراچی(بیورورپورٹ)وفاقی وزیر داخلہ اعجاز شاہ نے آکھیا ا ے کہ ڈاکٹرز نے نوازشریف دا بیرون ملک علاج ناگزیر قرار دتا تے رستہ نکل سکدااے آصف زرداری دا فیصلہ عدالت نے کرنا اے’ سرکار مدت پوری کرے گی’ اسیں ڈیلور کرگئے تے اگلے پنج سال وی ساڈے نیں ۔اک انٹرویو وچ وزیر داخلہ دا آکھنا سی کہ نوازشریف دے جلد دے شوز جانچن دی لوڑ پئی تے بیرون ملک جانا لازمی ہووے گا تے میری ذاتی رائے اے ڈاکٹرز نے نوازشریف دا بیرون ملک علاج ناگزیر قرار دتا تے رتہ نکل سکدا اے۔ اوہناں نے آکھیا اے کہ آصف زرداری دا کیس بوہت مضبوط اے تے ایہناں دا فیصلہ وی عدالت نے کرنا اے دھرنے دی سیاست ختم ہونی چاہیدی اے۔ وزیرداخلہ اعجاز شاہ نے آکھیا اے کہ چوہدری شجاعت دے مولانا فضل الرحمٰن دے نال تعلقات نیں، انشا اللّہ تعالیٰ سرکار اپنی مدت پوری کرے گی۔اعجاز شاہ نے مزید آکھیا کہ ساڈے انڈیکٹرز بوہت چنگے نیںاسیں 28 درجے اوپر آگئے نیں، اگر اسیں ڈیلور کیتا تے ساری صورتحال کنٹرول کرگئے تے ایہہ پنج سال تے گلے سال وی ساڈے ای ہون گے۔

اپنا تبصرہ گھلو