سنی دیول کرتارپور افتتاحی تقریب وچ رلت کرن گے، سدھو نوں وی اجازت

نئی دہلی: نامور بالی ووڈ اداکار و سیاستدان سنی دیول تے نوجوت سنگھ سدھو کرتارپور راہداری دے افتتاح دے موقع تے اج پاکستان آن گے۔ اداکار سنی دیول دی پاکستان آمد دی تصدیق بھارتی پنجاب دے وزیراعلیٰ کیپٹن امریندر سنگھ نے پچھلے دیہاڑ ے کیتی اے۔ بھارتی میڈیا رپورٹ دے مطابق کرتارپور راہداری افتتاح دی تقریب وچ رلت لئی پاکستان آن والے وفد وچ سنی دیول وی شامل ہون گے۔ سنی دیول دے علاوہ بھارتی وفد وچ سابق وزیراعظم منموہن سنگھ تے بھارتی پنجاب دے وزیراعلیٰ وی شامل ہون گے جد کہ نوجوت سنگھ سدھو کرتارپور آن والے پہلے بھارتی وفد وچ شامل ہون گے۔ سابق بھارتی کرکٹر نوجوت سنگھ سدھو نے کرتارپور راہداری افتتاح دی تقریب وچ رلت دی اجازت لئی بھارتی حکومت نوں 3خط لکھے سن جہدے بعدوں اوہناں نوں بھارتی وزیر خارجہ ولوں کرتارپور افتتاحی تقریب وچ رلت دی اجازت مل گئی۔

اپنا تبصرہ گھلو