یونس خان 2سال لئی قومی ٹیم دے بیٹنگ کوچ مقرر

لہور(پنجابی میڈیا گروپ) سابق کپتان یونس خان نوں 2سال لئی قومی ٹیم دا بیٹنگ کوچ مقرر کر دتا گیا اے۔ یونس خان دی تقرری گھٹ توں گھٹ آئی سی سی ٹی ٹونٹی ورلڈ کپ 2022تک کیتی گئی اے۔ اکتوبر، نومبر 2022وچ آسٹریلیا وچ شیڈول ایونٹ دا فائنل 13نومبر نوں کھیڈیا جائے گا۔ ایس توں پہلاں یونس خان نے دورہ انگلینڈ وچ وی قومی کرکٹ ٹیم دے بیٹنگ کوچ دی حیثیت نال ذمہ داریاں ادا کیتیاں سن۔ سابق کپتان ہن دورہ نیوزی لینڈ وچ وی ایہو کردار نبھاؤن گے جد کہ پاکستان کرکٹ ٹیم 23نومبر نوں نیوزی لینڈ لئی روانہ ہون گیاں۔ قومی کرکٹ ٹیم دے نال مصروفیت نہ ہون دی صورت وچ یونس خان حنیف محمد ہائی پرفارمنس سنٹر کراچی وچ وی بیٹنگ کوچ دی حیثیت نال کم کرن گے۔ ایس سلسلے وچ نیشنل ہائی پرفارمنس سنٹر اک مکمل پروگرام تشکیل دیوے گا۔ یونس خان دا کہنا اے اوہ اک لمی مدت لئی پاکستان کرکٹ دے سیٹ اپ وچ شمولیت تے خوش نیں، دورہ انگلینڈ وچ قومی کرکٹ ٹیم دے نال کم توں اوہ بہت لطف اندوز ہوئے سن۔ اوہناں آکھیا اوہ ہن نیوزی لینڈ دے اہم دورے تے ایہناں لوکاں دے نال دوبارہ کم کرن دے منتظر نیںتے خوش نیں کہ اوہناں دے کم دے دائرہ کار نوں وسیع کر دتا گیا اے۔

اپنا تبصرہ گھلو