لوکائی کہہ رہی اے کہ پرانے چوراں نوں واپس لیائو تا کہ روٹی تے ملے : مولانا فضل الرحمٰن

لورالائی( پنجابی میڈیا گروپ) پی ڈی ایم دے جلسے نال خطاب کر دیاں مولا نا فضل الرحمٰن نے آکھیا کہ دھاندلی والی حکومت نوں اسیں مسترد کردے آں ، ساڈی جنگ پارلیمنٹ دی خود مختاری تے قنون اُتے عملی کرن لئی تے پاکستان وچ جمہوریت دی بحالی لئی اے ، ملک دیاں ساریاں سیاسی جماعتاں تے قوم اک پلیٹ فارم اُتے اے۔اوہناں ہور آکھیا کہ یاد رکھو کہ عمران خان نوں تے جانا ہی جانا اے ، ایہ جعلی حکومت ، جعلی وزیر اعظم اے ، ایس نوں کوئی عقل نہیں اے ، ایس دا کوئی نظریہ نہیں ، کدی کہندا اے کہ ریاست مدینہ تے کدی کہندا کہ چینی نظام ،کدی کہندا کہ ایرانی نظام تے کسی کہندا اے کہ امریکی نظام ہونا چاہیدا اے ،اج اسیں آزادی دی جنگ لڑ رہے آں ، اسیں پاکستان نوں امریکی کالونی نہیں بنن دینا ، ملک وچ جمہوریت نہیں اے تے اسیں آئین دی بالادستی چاہندے آں،پاکستان دے مالک عوام اے یا کجھ طاقتور ادارے نیں ، ہن اسیں ملک وچ اداریاں دی بالادستی نوں تسلیم نہیں کراں گے ۔