پی ڈی ایم دی تحریک بری طرحاں نکام ہوگئی ، فواد چوہدری

اسلام آباد( پنجابی میڈیا گروپ )وفاقی وزیر برائے سائنس و ٹیکنالوجی فواد چوہدری دا پاکستان ڈیمو کریٹک موومنٹ توں متعلق آکھنا اے کہ ایہہ ابو بچائو تحریک اے، پی ڈی ایم دی تحریک بری طرحاں نکام ہوگئی ۔فواد چودھری نے قائداعظم یونیورسٹی وچ سسٹین ایبل ڈیولپمنٹ گول وال دا افتتاح کردتا، ایس دوران فواد چوہدری نے خطاب دے دوران آکھیا اے کہ اپوزیشن دی تحریک دا کوئی اخلاقی جواز نہیں۔ ایہہ ای وجہ اے کہ پی ڈی ایم دی تحریک بیٹھ گئی اے۔ اینہاں جلسیاں وچ چنگا ردعمل نہیں ملیا۔ ایہہ ابو بچائو آپریشن سی جہڑا نکام ہویا۔ فوادچودھری نے تعلیمی شعبے توں متعلق گل بات کردیاں ہویاں آکھیا اے کہ دنیا وچ تبدیلی یونیورسٹیاں ای لے آئیاں نیں۔ امریکا وچ یونیورسٹی دے ذریعے ای تبدیلی آئی، وفاقی وزیرسائنس وٹیکنالوجی فواد چوہدری ہوراںنے آکھیا اے کہ اسیں واٹس ایپ توں متعلق قانون لے آن دا اک ڈرافٹ بنا لیا اے جہڑا اسیں وزیراعظم عمران خان نوں بھیجاں گے ۔اوہناں نے مزیدآکھیا اے کہ پچھلے وزیراعظم میاں نوازشریف نوں واپس لے آنا سرکار دی ذمہ دار ی اے۔ وزارت داخلہ نوں چاہیدا اے کہ نوازشریف نوں واپس لے آن۔ نوازشریف جیویں بار گئے ایہہ پاکستان دے شہریاں تے سرکار لئی شرمندگی دا باعث اے۔